翡翠拉麵小籠包 (已搬遷) 新店位置

　　　幾年前曾經光顧過一次，是日晚上提早慶祝媽咪節，所以訂定位置食晚飯，點知去到都係要等十分鐘左右先有位，但係已經比冇訂位既人快好多架啦，估唔到咁多年黎都仲係成日排長龍囉，又難怪既～因為食物食準真係保持得好好，甚至於比幾年前食個陣覺得好味道，唔知係咪太耐冇食所以先有咁既感覺啦，總算有完美既一餐媽咪節晚餐。　美味燻魚　（最正）　雞絲粉皮　無錫蟹殼黄燒餅　（都唔錯）　蜜汁烤雙方　鱔糊炒拉麵　（呢個好食，不過亦好油）結帳二百幾蚊，三個人食其實都唔算貴架啦。