牛大人有好多湯底可以揀，今次揀左鳳梨雞鍋，對佢非常期待，平時都好鍾意雞湯，因為湯底會好甜。依個湯底有杞子、苦瓜同雞做底，飲落好潤喉同清香，吸收左雞汁嘅精華，而雞肉食落好軟嫰。
1
要食就食豪佢，揀左澳洲和牛食到飽餐，有好多唔同肉可以試，最期待一定係和牛牛丸，同出面嘅牛丸係唔同層次，有好濃嘅牛肉味，咬粒丸嘅時候肉汁快嗶出離。係咁多種肉，最鍾意嘅係牛肩卷，因為佢嘅牛肉味係最濃，佢切到好薄，但肉質細嫩同肉脂分佈得好均勻，成口都充滿住肉汁。
平時都好鍾意食台灣菜，所以今次又一定要點，最鍾意士林鹽酥雞同梅甘酥脆薯。鹽酥雞係一口啖嘅size細細舊，非常方便食，炸皮唔會淋，雞肉食落都好嫩滑；而梅甘酥脆薯食落酸甘甜，配上番薯，非常正。
每次去都會飲白桃烏龍，因為飲落有微微嘅桃甜味同桃嘅香味，令到成個飲品更加清爽。今次又試左紅棗桂圓茶，同樣都係甜甜嘅飲品，但非常養生，非常好飲，值得一試。
甜品依然可以揀仙草同movenpick雪糕，兩樣都非常好味同正。
