影片
更多
2016-10-04
1174 浏览
再一次黎到呢間令令既公主cafe, 今次set dinner已經轉左menu, 比之前更吸引~點完菜侍應會送上自家製cookies同welcome drink比客人試下，呢度既cookies味道好特別，有喇沙同黑松露味，創新得黎都幾好食~我地點左2個set dinner share食，先黎既頭盤好特別，有番茄沙律配水牛芝士，番茄有唔同品種同形狀，食落好爽甜，仲有d松子仁同basil oil，好開胃。另一個starter係西洋菜沙律，藜麥，仲有切到好似洋蔥既fennel, 配有牛油果醬，好清新特別既沙律。2款Appetiser比starter更有驚喜，先係煙燻芝士配香脆包條蘋果果醬，芝士味道濃郁，配埋面包條幾好食。而生牛肉他他賣相好令，配左蛋黃醬，平時唔中意食生牛肉既Vi都覺得唔錯。呢個餐湯好有創意，係絲瓜忌廉湯，面頭打左杏仁泡，好似飲cappuccino咁，忌廉湯好creamy, 有少少蕃茄碎調味，視覺味覺都一流!上主菜前先有一個青檸sorbet清下味雷，連sorbet都好精緻><!主菜係脆鱗馬頭魚配黑松露南瓜汁，店主好重視食物既品質，所以所有食材都要新鮮，魚都唔例外，
點完菜侍應會送上自家製cookies同welcome drink比客人試下，呢度既cookies味道好特別，有喇沙同黑松露味，創新得黎都幾好食~
我地點左2個set dinner share食，先黎既頭盤好特別，有番茄沙律配水牛芝士，番茄有唔同品種同形狀，食落好爽甜，仲有d松子仁同basil oil，好開胃。
另一個starter係西洋菜沙律，藜麥，仲有切到好似洋蔥既fennel, 配有牛油果醬，好清新特別既沙律。
2款Appetiser比starter更有驚喜，先係煙燻芝士配香脆包條蘋果果醬，芝士味道濃郁，配埋面包條幾好食。
而生牛肉他他賣相好令，配左蛋黃醬，平時唔中意食生牛肉既Vi都覺得唔錯。
呢個餐湯好有創意，係絲瓜忌廉湯，面頭打左杏仁泡，好似飲cappuccino咁，忌廉湯好creamy, 有少少蕃茄碎調味，視覺味覺都一流!
上主菜前先有一個青檸sorbet清下味雷，連sorbet都好精緻><!
主菜係脆鱗馬頭魚配黑松露南瓜汁，店主好重視食物既品質，所以所有食材都要新鮮，魚都唔例外，呢個魚最特別既地方係d脆鱗，炸到脆卜卜，而魚肉依然滑，配南瓜汁係好味既。
另一主菜揀左燒龍蝦闊條麵配蕃茄醬，原隻龍蝦拆配殼，啖啖肉好爽口，而闊條麵亦煮得剛好al dente。
到最期待既甜品喇！呢個草莓仙子係必食signature! 好令既高跟鞋係草莓乳酪做成，配左個酸味味既熱情果sorbet, 又令又好食！而chocolate brownie相對較普通，但都唔錯既。
食左咁多野，餐飲要左圓肉紅棗杞子菜滋潤一下。呢度既食物由starter到甜品都好精心設計，食材亦花過心思，欣賞店主既堅持，第二次黎都比到客人surprise, 希望店主可以繼續諗多d又令又創新既菜式!
张贴
