美食堂 (已結業)

美孚其實無咩特別野食，來來去去都以茶記為主，初開業時去過，可能當時仲係新瓜，所以由落單到食都係亂加勞氣，經過上次之後已經嚇窒左，如果趕時間千萬不要來！見店內不多人應該好D，所以今天同朋友試下再去，點左個下午茶餐是公仔面，點知水唔熱面好硬失敗，兩杯咖啡來到咖啡碟全是瀉出來咖啡，連放在碟邊的糖也是咖啡，朋友硬面也吃完，等左20分鐘我點的所謂出名波羅包也未到，但是遅我入店的客也食緊，好明顯係比錯人啦，店員想同我理論，我叫佢不如你睇下我張單時間先，睇完即是收聲，終於又等10分鐘終於到！說真，真是一般，波羅係酸連埋紫薯一齊食的話怪怪的，我地要另外分開食！