三井日韓料理 (已結業)

之前同朋友黎過三井食放題，覺得環境唔錯，食物質素幾好，上菜時間快，所以男朋友放工後近近地再黎食過痛快！黎食放題第一件事當要食刺身開下胃🙈，2人刺身船擺放精美，有頭甜蝦夠哂大隻鮮甜，三文魚同劍魚腩等刺身都夠新鮮肥美比錢升級可以食埋拖羅壽司，珍寶帶子同我至愛既松葉蟹腳等較名貴既食物，蟹腳大大隻，好足料，即拆即食，D肉唔會好淋啖啖肉，口感一流！壽司方面都有好多特別既選擇，好似橙之花，紅之花同白之花，原來係三文魚，吞拿魚，同鯛魚做既花之戀，細細舊，唔怕飽！海膽軍艦好鮮甜，滿滿既海膽，正雞泡魚乾都係升級左之後有既食物！作為伴飲小菜一流！櫻花奶凍- 香濃既奶味帶點清新既櫻花味好特別，唔錯！