埋單每位唔使三百蚊， 先食雞煲再打邊爐，其實真係抵到爛啦， 不過啲食物嘅質素你就唔好要求高質囉。
坐低先上雞煲， 味道中規中舉，加辣會比較惹味，可無限refill, 不過之後仲要打邊爐， 所以勸你都唔好食咁多😏。
食完雞煲，店員會上湯底，湯底有粟米加海鮮煲， 算清甜。
正在等湯底滾時，可先食附送嘅什菓沙律同北菇炆鮑魚，什菓清甜但醬汁帶微酸好開胃，北菇鮑魚炆得夠入味，兩款都好得。
呢度打邊爐重點應該係個海鮮盤同牛肉度...
但我個人覺得全部都好一般，海鮮不嬲唔係我啲friend，但我都食得出冇鮮味， 而貝殼類仲有幾多沙添。牛肉冇乜牛肉味，好淡。
其餘嗰啲餃呀丸呀咁都非常普通，可有可無。
但呢個時候，重點就嚟喇， 就係登登登登，墨魚滑！
呢個墨魚滑真係不得了， 好濃味同好彈牙，食到一粒粒墨魚，好真材實料，我地全晚無限encore囉！
飲品都係任嘅，ok 多選擇，但我就始終stick to我至愛嘅coke zero。
整體我覺得食物真係好一般，但係因為佢冇限時任飲任食， 如果朋友們至在搵個地方邊食邊傾計的話，唔想成日俾店員打擾嘅話，都可以去試下。
