Mimila (已結業)

見到附近都好多餐廳都係要等位，但係又好肚餓要搵食喎，所以就諗住試吓呢間，因為只係等幾個位就到我地啦，所以排咗隊都唔係話好耐！馬來蝦湯配手撕雞河粉 (3/5) 其實個湯同埋個河粉都好食嘅。 湯底亦都充滿大蝦嘅味道，但係個蝦同埋啲雞就真係好老... 如果啲配菜係好食嘅話呢一個麵都係滿分㗎！喇沙雞飯 (2/5)個雞同啲菜都唔錯，但係嗰個汁就一啲都唔係喇沙汁。只係一個好普通嘅馬拉味辣汁，所以唔建議叫， 同埋佢嘅汁都唔係好多，好似茶餐廳會抵食好多咁。檳城白咖啡 (3/5)好似一般雀巢白咖啡咁嘅味，不過淡啲，唔知係唔係因為太多冰。