Munch (已結業)

見有唔少好評，星期六就嚟試吓。冇諗過地方原來咁細，而且幾迫，侍應小姐經常側身穿插。冇諗過成1點半鐘都有位，唔使等。冇諗過得兩個侍應小姐，一個睇水吧，得一個serve客。冇諗過到咗上雞球意大利幼麵時，侍應小姐才發覺未俾刀叉我哋。冇諗過食完碟pasta，追埋，重要再等好耐，個夏威夷有機蕎麥pizza先至上檯，起碼等咗半粒鐘。更加冇諗過個pizza底係唔熱嘅，得啲料熱。雖然食物味道ok，但係都唔會再嚟喇。