影片
更多
2005-11-20
4 浏览
尋晚同朋友去APM睇戲，見好多餐廳都好多人，但係呢間就唔使等都有位，而且又未試過，所以就入左去諗住試下啦。環境都okay，坐得幾舒服，都幾relax，不過D食物就唔多掂喇....我地叫左一個玫瑰雲吞湯、唔知乜野鴨胸、朱古力饅頭(軟及脆各一客)同埋一個吞拿魚飯(唔記得左名)。個玫瑰雲吞湯食味都okay，不過就一D玫瑰味都冇，淨係飲到蕃茄味，有4粒雲吞，D餡係雜菌，不過就冇乜味，一個咁既蕃茄湯要大約$38真係好唔抵囉。跟住o個個鴨胸韌到咩咁，好難先咬得開，又冇乜味，唔好食。朱古力饅頭完全係呃人，原來軟既只不過係蒸饅頭，而脆既就只係炸饅頭，不過就將平時既練奶變左做朱古力醬，好心佢就叫"蒸/炸饅頭配朱古力醬"啦，懶係特別咁，食味就炸既都幾好食，蒸既我冇食到，唔清楚。吞拿魚飯應該係最好食既一道菜，D吞拿魚有D黑椒味，幾好食，不過就有D"鞋"，D飯類似蕃茄炒飯，有D芝士味，幾特別。野食唔多掂都算啦，o個度D侍應先勁，個個都有語言障礙咁款，我個朋友問佢茶味蛋糕係有D咩茶味，個侍應就答話有朱古力軟心同士多啤梨，跟住我朋友就再問係想知有咩"茶味"，佢仲係話有朱古力軟心同士多啤梨，我就同個侍應講我想知既係
環境都okay，坐得幾舒服，都幾relax，不過D食物就唔多掂喇....我地叫左一個玫瑰雲吞湯、唔知乜野鴨胸、朱古力饅頭(軟及脆各一客)同埋一個吞拿魚飯(唔記得左名)。個玫瑰雲吞湯食味都okay，不過就一D玫瑰味都冇，淨係飲到蕃茄味，有4粒雲吞，D餡係雜菌，不過就冇乜味，一個咁既蕃茄湯要大約$38真係好唔抵囉。跟住o個個鴨胸韌到咩咁，好難先咬得開，又冇乜味，唔好食。朱古力饅頭完全係呃人，原來軟既只不過係蒸饅頭，而脆既就只係炸饅頭，不過就將平時既練奶變左做朱古力醬，好心佢就叫"蒸/炸饅頭配朱古力醬"啦，懶係特別咁，食味就炸既都幾好食，蒸既我冇食到，唔清楚。吞拿魚飯應該係最好食既一道菜，D吞拿魚有D黑椒味，幾好食，不過就有D"鞋"，D飯類似蕃茄炒飯，有D芝士味，幾特別。
野食唔多掂都算啦，o個度D侍應先勁，個個都有語言障礙咁款，我個朋友問佢茶味蛋糕係有D咩茶味，個侍應就答話有朱古力軟心同士多啤梨，跟住我朋友就再問係想知有咩"茶味"，佢仲係話有朱古力軟心同士多啤梨，我就同個侍應講我想知既係有咩茶味唔係蛋糕有咩款式，佢竟然答話唔識講，叫我地自己出去睇。之後再問第二個侍應，佢竟然同頭先o個個一樣，話好難解釋唔識講，又係叫我地自己睇。跟住我個朋友睇完返來，佢話只不過係茉莉同玫瑰味，咁我想知到底有乜咁難解釋囉。之前order饅頭o個陣已經係咁，我地話軟同脆各一客(一客有兩個)，個侍應竟然問：即係一共八個饅頭啦？！我地話：一客兩個，唔係共四個咋咩，佢竟然聽唔明，要解釋一輪佢先get到。咁都做到侍應，仲要問左兩個都係咁，呢間野都唔知點train D侍應ga。
總括來講係除左環境就冇樣得，一定冇第二次囉。
张贴