勝利小廚 (已結業)

尋晚(29號)同太太經過，見有人排隊，又冇特別想食。結果羊群心理之下，等5分鐘到，就入去。太太叫海南雞餐\跟湯，我要紅咖哩牛跟湯，再加個炒蜆。我覺得海南雞有名大於實，唔係唔好味，但又未至於好出色。紅咖哩牛，牛肉幾腍幾滑，咖哩就唔係幾得，唔香亦冇咩咖哩味。炒蜆比較失敗，可能係大蜆，肉質比較硬，口感麻麻地，味道比較鹹。反而，個胡椒豬肚湯幾好飲！地方細，坐得唔舒服；伙記除落單好似好趕之外，都冇咩。整體okay，冇祈望所以冇失望。