大眾燒肉酒場 X 陀地燒 (已結業)

冇服務到一個點，完全唔知點解可以咁差，六點去到問佢有冇位，門口個reception講嘢細聲到我諗佢自己都聽唔到自己講咩。入面幾個侍應大聲講細聲笑+玩電話，傳餐啲手套帶完又除，除完又帶，然後喺度玩電話勁污糟。枱面紙巾冇晒叫佢換又黑口黑面唔應你，過幾秒先過嚟幫我換，乜料。嘢食整體係唔錯嘅，封門牛柳就極普通完全唔建議食。佢sell平，但價錢計落唔算特別平，因為薄切牛舌啲牛勁細塊同埋勁薄，每一碟肉得幾嚿又唔夠飽，叫多幾碟其實已經係出面價錢。2個人埋單$700。情願食貴啲起碼有服務，呢度唔止係冇服務咁簡單，仲要係激氣。