正點心 (已結業)

今日去美孚搵朋友，朋友介紹間新式點心鋪，於是我地一於去試下。我地一坐低便看看周圍環境幾 寬敞，之後看看點心紙包羅萬有同點心名好特別，家鄉煎釀虎皮椒在青椒上加上蒜蓉魚肉同一些辣椒煎成食落好辣但好香口，金網鮮奶卷外皮用上粉內裡用鮮奶炸成，口感非常特別，金腿茸咸水角，咸水角加上金腿有別其他點心店感覺新鮮，流沙黑芝麻煎堆，煎堆仔內加上黑芝麻一打開有芝麻流出非常好味，紫醉金迷流沙包，香芋加上麵粉整成紫色麵包，當我一打開好多流沙流出黎非常好食，蟹子黑毛豬燒賣，大大的燒賣用黑毛豬肉整非常彈牙值得推介，花膠海皇灌湯餃，大大隻灌湯餃皮薄而且裡好重料有花膠同蟹柳加上好鮮甜既湯勁抵食。