澳門茶餐廳 (已結業)

師傅守左呢個環頭都有好一段時間, 好多時都會經過呢間食店, 但就次次都冇入過去; 點解? 無他嘅, 皆因次次都見到有條隊, 要排隊等食始終唔係師傅嘅喜好, 但唔知點解今日師傅好有興致, 於是就趁早去會一會佢, 免卻排隊嘅煩惱!入到去唔算多人, 好快就有侍應安排師傅入座; 坐底後當然係睇下有咩好食, 最後竟然係比佢地個燒味飯吸引左, 其實師傅並唔係見到佢地燒味嘅賣相, 純粹係見到嗰幾隻字就已經想食, 頂癮哩! 於是就柯打左碟叉燒腩仔飯, 餐飲就揀左熱檸檬茶!等左一陣就有得食, 不過賣相真係幾唔討好, 叉燒望埋去好乾身, 色澤一d都唔吸引, 而腩仔又係甩甩漏漏, 皮還皮, 肉還肉, 真係睇見都唔開胃, 不過既然叫左就食埋佢啦! 先講下叉燒, 叉燒好瘦而且乾身, 加上一d蜜味都冇, 十分之唔討好, 可幸的是肉質夠鬆, 為叉燒勉回少少分數; 腩甩仔就甩皮甩骨唔在講, 加上入口非常之咸, 唔算出色, 唯一可取係個皮真係烤得好脆, 但碎到咁, 好無癮囉! 而熱檸檬茶嘅茶味唔香唔濃, 檸檬亦唔算新鮮, 非常普通!總括黎講食物水準一般, 地方就清潔乾淨, 服務都算可以, 但價錢就偏貴, 三十七單拼,