影片
更多
2017-06-25
12411 浏览
「柳氏家」係韓國係好出名的連鎖炒辣雞店，單係明洞都有幾間分店，上次去首爾旅行都連續食左兩晚。知道香港沙田開海外店，確實非常期待。香港店有點唔同，係採任食制（韓國只限前菜），包括前菜、小食（炸雞、炒粉絲、辣炒豬肉⋯）、飲品同甜品。Lunch 設60（辣炒雞只限點一次）同90分鐘，dinner只有90分鐘，晚市會比午市貴，最貴二百幾一位。晚市分辣雞（$198）、辣雞+海鮮（$238），我點左前者。先講自助任攞部分，炸雞粒唔好期望好似專門店咁好食，比較油之餘，外皮都腍晒了，主菜未上之前頂下癮還可以。辣炒豬肉、烤牛肉、炒粉絲都不過不失。前菜中反而辣汁魷魚絲最好食，唔難咬之餘仲好入味。飲品方面，接近9成係韓國飲品，選擇有十幾種，啱晒韓粉。主菜上場，我選嘅係最original的柳氏家炒辣雞。因為我地被安排坐係較近門口的冇抽油煙機位置，所以辣雞係預先係廚房炒好先上枱，感覺當然冇即炒即食咁熱辣好味。至於味道，都係經典的韓式辣醬味，辣度冇得㨂，但程度一般，唔食得太辣的都會食到。除左雞之外，仲有椰菜、年糕，當中以椰菜最索味。雖然話辣雞係無限任食，但當我地叫第二輪的時候，等左勁耐仲要進單先上枱，等的期間都見
香港店有點唔同，係採任食制（韓國只限前菜），包括前菜、小食（炸雞、炒粉絲、辣炒豬肉⋯）、飲品同甜品。Lunch 設60（辣炒雞只限點一次）同90分鐘，dinner只有90分鐘，晚市會比午市貴，最貴二百幾一位。
晚市分辣雞（$198）、辣雞+海鮮（$238），我點左前者。先講自助任攞部分，炸雞粒唔好期望好似專門店咁好食，比較油之餘，外皮都腍晒了，主菜未上之前頂下癮還可以。辣炒豬肉、烤牛肉、炒粉絲都不過不失。前菜中反而辣汁魷魚絲最好食，唔難咬之餘仲好入味。飲品方面，接近9成係韓國飲品，選擇有十幾種，啱晒韓粉。
主菜上場，我選嘅係最original的柳氏家炒辣雞。因為我地被安排坐係較近門口的冇抽油煙機位置，所以辣雞係預先係廚房炒好先上枱，感覺當然冇即炒即食咁熱辣好味。至於味道，都係經典的韓式辣醬味，辣度冇得㨂，但程度一般，唔食得太辣的都會食到。除左雞之外，仲有椰菜、年糕，當中以椰菜最索味。雖然話辣雞係無限任食，但當我地叫第二輪的時候，等左勁耐仲要進單先上枱，等的期間都見到其他枱安排好混亂，經常上錯菜，所以90分鐘內都只係食到兩round。
任食的除左辣雞外，仲有飯或拉麵，加埋辣汁一齊炒。同樣因為係冇抽油煙機，飯/麵係會連同辣雞係廚房整好同時上枱，如果有抽油煙機的話，就可以食完雞先再加飯炒。因為精華都走晒去d飯度，加埋些少紫菜（韓國係加好多的），所以飯比雞更好食。
甜品櫃有蛋糕有雪糕，唔知係咪驚人喪攞，所以長期有專人看守住，我就太飽，結果咩都冇食。
總括黎講，我坐的位置因爲咩都整定晒，總係覺得冇左即炒即食的滋味，如果要再去的話，盡量都會㨂返裡面有抽油煙機的位置坐（首先係有耐性等），可能風味會似返韓國一d。
133 浏览
0 赞好
0 留言
张贴
