花果山 (已搬遷) 新店位置

上次行旺角路過見到一間專賣榴槤飲品既地方，花果山！朋友未食過榴槤，一於俾佢試下會唔會一試愛上🤣 貓山王沙冰 ($42+$12特濃榴槤) 超濃既榴槤味同奶味，我平時唔係特別好榴槤既都覺得好正好滑好好飲🤣 呢種榴槤味道好香但又唔會話太濃，啱哂我👍🏻 愛唔愛榴槤都值得一試!!紅柚四季春 ($28) 呢杯就酸酸甜甜好醒神，西柚味重得黎又冇蓋過個茶味，好解渴。榴槤味西班牙油炸鬼 ($28) 呢個係原味churros點榴槤既醬，西班牙油條炸到外脆內軟，點埋個比榴槤本身再甜少少，好滑既醬係十分之正🤪