影片
更多
2021-06-12
93 浏览
星期日同老公去拍拖👫仔，終於可以放低兩個囡囡，去銅鑼灣行街順便喺美食聚集的登龍街揾好野食。老公話想食燒肉但係我又想食刺身。見到有間可以滿足我哋兩個要求，係永光中心3樓，叫韓牛牧場。原來佢有套餐或者放題。我哋兩個大食怪梗係揀放題啦！放題有兩個選擇，世子牛盛同豬后盛二款。我哋揀咗比較平嘅世子牛盛，因為見已經有刺身有海鮮有羊有牛都算好多款嘢食。原來呢度最特別嘅唔係食物，係用黎燒肉既機！店舖超揼本，用上德國寶的韓式光波無煙燒烤爐～呢個真係超正。冇煙唔油膩，食完身上都冇燒烤味，全程唔駛落油，食多幾舊燒肉都唔怕肥啊。嘢食方便都好高質。首先會上6色刺身拼盤，4合海鮮燒烤拼盤，手作刺身韓牛壽司，韓式醬油蝦，羊架，安格斯牛肉眼扒刺身好肥美鮮甜，三文魚，帶子，油甘魚，北寄貝，八爪魚，虎蝦。樣樣都好食，如果唔夠仲可以落單添加，添加嘅話記得叫埋希靈魚，鮑片。4合海鮮有蝦，蜆，青口。青口加咗牛油燒起上嚟更加香。手作刺身韓牛壽司，超好味！只可惜得一人一舊。連平時唔食生肉嘅老公都讚水準一流。韓式醬油蝦，蝦肉彈牙，醬油味濃，啜埋啲蝦膏仲正。服務員好貼心，會提醒我哋每一隻燒肉要燒嘅時間，記性唔好有時會唔記得。店員行開行
老公話想食燒肉但係我又想食刺身。見到有間可以滿足我哋兩個要求，係永光中心3樓，叫韓牛牧場。
原來佢有套餐或者放題。我哋兩個大食怪梗係揀放題啦！放題有兩個選擇，世子牛盛同豬后盛二款。我哋揀咗比較平嘅世子牛盛，因為見已經有刺身有海鮮有羊有牛都算好多款嘢食。
原來呢度最特別嘅唔係食物，係用黎燒肉既機！店舖超揼本，用上德國寶的韓式光波無煙燒烤爐～呢個真係超正。冇煙唔油膩，食完身上都冇燒烤味，全程唔駛落油，食多幾舊燒肉都唔怕肥啊。
嘢食方便都好高質。首先會上6色刺身拼盤，4合海鮮燒烤拼盤，手作刺身韓牛壽司，韓式醬油蝦，羊架，安格斯牛肉眼扒
刺身好肥美鮮甜，三文魚，帶子，油甘魚，北寄貝，八爪魚，虎蝦。樣樣都好食，
如果唔夠仲可以落單添加，添加嘅話記得叫埋希靈魚，鮑片。
4合海鮮有蝦，蜆，青口。青口加咗牛油燒起上嚟更加香。
手作刺身韓牛壽司，超好味！只可惜得一人一舊。連平時唔食生肉嘅老公都讚水準一流。
韓式醬油蝦，蝦肉彈牙，醬油味濃，啜埋啲蝦膏仲正。
服務員好貼心，會提醒我哋每一隻燒肉要燒嘅時間，記性唔好有時會唔記得。店員行開行埋都有望我哋燒成點，仲會提我地‘’呢個燒差唔多得，可以食啦！’’
燒肉都有好多款，個人最鍾意羊架，安格斯牛仔骨，五花肉。因為佢用光波熱力燒肉，所以可以完美將鎖住肉汁，啲肉質咬落去唔似平時燒肉咁會比較乾身。
除咗燒肉仲有熟食，甜品，前菜，都係仼食。
张贴
