18巷泰國餐廳 (已結業)

平時好少過海嘅我，每次過海都係搵家姐食飯，所以都會直接喺世貿中心搵食，基本上都唔使周圍去，因為呢度啲嘢實在好食！我今日亦都唔例外嚟到呢度食泰國菜！講真呢度嘅泰國菜真係好食又正宗！不過記得一定要卜位！泰式鮮蝦刺身：新鮮，爽口彈牙,佢哋個辣汁我最鍾意泰式燉花膠：必食，因為真係超抵食，用料十足！酸甜魚：平時中國菜食得多，泰式嘅我都係第一次，估唔到比中國菜多咗分酸辣味，好食好多，而且條魚多肉肉厚！又香又脆18巷拼盤：他們招牌拼盤小食差唔多每一張枱都會叫，因為咩都有啲，全部都係新鮮炸出嚟！秘製黑椒炒蟹：隻蟹大過我手掌，炒得好香，係有少少辣，家姐都接受到，因為夠辣先夠香！辣豆醬炒椰菜苗： 呢個辣到又剛剛好，每一條菜都掛上適量醬汁，加碗白飯一流！嘢食好食之外佢哋嘅飲品都唔錯，泰式奶茶基本上係我去過咁多間泰國菜館最正宗的一家！甚至乎龍眼冰啲龍眼有半個杯咁多，真係讚！最後佢哋嘅甜品都好好食的！椰汁西米糕，芒果糯米飯，一定係食完泰國菜必配的甜品