桂花小幸 (元朗廣場)

話說，疫情封關咁耐，飛唔到去最愛既台灣。見到桂花。小幸標傍台灣風味，點可以唔試一下。

入到店，感覺到一種台灣文青風格既裝修，真係有少少去左台灣既感覺，

餐牌夠晒簡約，不過點餐要掃QR Code網上點菜，都算方便。

朋友點左個牛肉湯花枝丸麵，湯夠晒濃

我自己點左個燉湯套餐，豬排雞肉肉燥飯，湯夠晒火喉又足料，豬扒炸得剛剛好，而且有咬口又有肉汁，唔似坊間既炸豬排。雞肉肉燥飯亦都似足台灣口味，啱晒我思鄉之苦。最重要係份量夠。

加上個手工煎餃子，金黃色剛剛好，亦都充滿肉汁。