金雞去骨海南雞專門店

昨天去扒獨木舟，扒完之後！已經接近六點，有點肚餓，所以去咗西貢附近，最出名嘅金雞去骨海南雞專門店，去到嘅時候冇乜顧客，所以雖然地方好細，但係都冇咁迫夾，以前去過人多真係好擠迫！坐低食飯嘅時候，我冇為意銀包唔夠現金，之後同阿姐講我帶唔夠現金！本來諗住去附近櫃員機撳錢，我講話而家好多支付工具，我話我有payme咁啱佢話佢老細都有payme！可以接受payme付！估唔到一間小店都有payme付款！我以為麥當勞先有啫！