瀛喜日本料理 (已結業)

平時我係一個放題愛好者，最鍾意去唔同既餐廳食放題，上個月就同朋友黎荃灣依間瀛喜，距離地鐵站行十分鐘度都算方便。本身冇咩期待既，但入到去發現都幾滿座。訂咗枱有卡位環境舒服，食物選擇都幾多，侍應服務態度都好好，而且發現依間餐廳既食物都幾高質，都幾令人驚喜。首先叫一大盤最搶手嘅刺身先，魚生都夠厚夠新鮮，壽司都好好味，重點一定要試既係海膽，真係好鮮甜。呢間特別之處係每枱有獨立燒烤爐俾你自己煮燒物，可以自助加調味料做啱口味，如果唔想動手都可以叫燒好嘅串燒同天婦羅，佢啲炸物同牛柳粒都食到我地停唔到口！嗰日我哋食耐咗都冇催我哋走，芝士焗元貝真心好食每人一定要叫兩個。雖然佢既飲品都唔算少，但飲品同甜品如果可以再多d選擇就好。蟹粥味道啖咗少少不過都係新鮮嘅，仲有最正係有紫米露雪條，其他放題都未見到有，黎到一定要試下！