Fine Day Cafe (已結業)

朋友從外地回來，尖沙咀周圍都多人，我見呢間冇人就提議試下。首先，食物同嘢飲都係冇味嘅，我從來冇諗過鵝肝都可以係難食嘅。Order左兩份嘢食，都可以漏單，我朋友嬲嬲地，因為催完又催，侍應都冇反應。我就話算啦，咪怪佢啦，香港係咁上下，其他地方可能仲差。呢個時候嘅我仲十分寬容，點知之後就出事。因為有個朋友九點幾先嚟，於是我特登加多幾十蚊叫多杯嘢飲，諗住坐低慢慢傾多陣。其實間野嘅位置好難搵，於是我出去接佢啦。點知返嚟，我果杯飲左一啖嘅嘢飲，個侍應竟然收咗，原因係佢哋要收舖,但重點係佢哋一路都冇提過。我哋三個係當場呆左，到我離開咗嘅時候先至識嬲，真係好好地嘅一晚就比佢搞到心情差左。我想講，質素呢啲嘢可以改善，但係態度真係好有問題。諗返起，佢哋係半句唔好意思嘅說話都冇講過。冇下次，完。