強記飯店 (已結業)

每個星期六都會約埋班同事食完早餐才上寫字樓搏殺。之前的幾個星期都是去時時樂食，吃得多了有點厭倦，於是改去第二個地方。當中有人提議去強記。準時八點半到埗，入去搵定位。起初都唔係太為意，後來座落再點了食物後覺得愈來愈熱，原來是沒有冷氣。點了個西式早餐，有雞扒、蛋、火腿、豆和餐飽，加埋杯凍奶茶要$22。火腿和豆都係行貨野，冇話特別好定唔好。雞扒雖然唔大塊，不過就幾淋和幾入味，算不錯。奶茶都有一般茶記既水準。可惜大熱天時食早餐冇冷氣，認真好惡頂。