德馨苑海鮮酒家

5月23日和老公到此酒樓飲茶，叫左叉燒腸、鴨腳扎、腐乳通菜、金錢肚和仲有一點唔記得左咩點心。叉燒腸、鴨腳扎、腐乳通菜熱度都足夠，普普通通唔算難食。金錢肚好像有點怪味，成碟食左兩舊就冇食。

呢間酒樓冇咩冷氣，又熱又焗，我一路坐一路滴汗，真係越食越扯火。唔止我和老公覺得熱，我見隔離好多人都「撥扇」或「撥傳單」。我同部長哥哥講好鬼熱，佢一句聲都冇出，唔理我地就走左。老公同我都話俾左93蚊飲茶絕對係「貼錢買難受」，以後列入黑名單唔會再去！去食麥記或者KFC，真係冇咁慶啦！