影片
更多
2010-08-13
18 浏览
今次去食前做定功課， 嘩！咁多劣評o既，不過媽咪想食無計喇 BOOK定檯費時要等，去到快快手叫左個一口牛柳同豆腐先(做足功課架我) 果然冇介紹錯！豆腐外脆內軟，夠曬熱辣辣！ 一口牛柳查實係牛肉片，雖然佢無講係咩形狀，不過如果係一粒粒我會仲歡喜！ 但係味道絕對唔差，只係外形上有少少美中不足。 期間點埋刺身，其實都係得幾樣，勝在大部份夠新鮮！ D墨魚非常靚仔！食落好爽口！ 咁多樣只有甜蝦比較失色，好黏口。 唔想飲汽水，叫左杯青蘋果綠茶，又OK阿，不過青蘋果味太濃， 蓋過曬綠茶味，加上有少少驚佢唔知加左D咩入去先咁大朕青蘋果味(好難服侍) 叫左個白菜仔、螺肉、牛柳粒(雜菜)、鯖魚、天婦羅(海老、南瓜)、水蟹粥、桂花糕．．． 桂花糕、鯖魚同海老天婦羅值得一讚！ 桂花糕料又多，夠清甜，只係唔夠挺身。 鯖魚味道濃郁，得一小塊真係唔多夠喉！ 海老天婦羅蝦夠爽脆而且大大隻，略嫌脆漿厚左少少！ 我好鐘意食南瓜，個南瓜天婦羅得個南瓜樣，冇南瓜味， 如果用返靚日本南瓜就非常好喇！ 我今次去服務又冇咩問題喎！ 有問有答，唔該前唔該後，仲有個新人小妹妹問你駛唔駛添飲，完全加分！ 做野快手快腳，可能就係太快，
嘩！咁多劣評o既，不過媽咪想食無計喇
BOOK定檯費時要等，去到快快手叫左個一口牛柳同豆腐先(做足功課架我)
果然冇介紹錯！豆腐外脆內軟，夠曬熱辣辣！
一口牛柳查實係牛肉片，雖然佢無講係咩形狀，不過如果係一粒粒我會仲歡喜！
但係味道絕對唔差，只係外形上有少少美中不足。
期間點埋刺身，其實都係得幾樣，勝在大部份夠新鮮！
D墨魚非常靚仔！食落好爽口！
咁多樣只有甜蝦比較失色，好黏口。
唔想飲汽水，叫左杯青蘋果綠茶，又OK阿，不過青蘋果味太濃，
蓋過曬綠茶味，加上有少少驚佢唔知加左D咩入去先咁大朕青蘋果味(好難服侍)
叫左個白菜仔、螺肉、牛柳粒(雜菜)、鯖魚、天婦羅(海老、南瓜)、水蟹粥、桂花糕．．．
桂花糕、鯖魚同海老天婦羅值得一讚！
桂花糕料又多，夠清甜，只係唔夠挺身。
鯖魚味道濃郁，得一小塊真係唔多夠喉！
海老天婦羅蝦夠爽脆而且大大隻，略嫌脆漿厚左少少！
我好鐘意食南瓜，個南瓜天婦羅得個南瓜樣，冇南瓜味，
如果用返靚日本南瓜就非常好喇！
我今次去服務又冇咩問題喎！
有問有答，唔該前唔該後，仲有個新人小妹妹問你駛唔駛添飲，完全加分！
做野快手快腳，可能就係太快，造成放低一碟野就走左去呢個情況。
但係我覺得可以接受！
臨尾半個鐘，提一提你last order，語氣各方面都冇問題。
總括而言，服務OK，食物唔錯，價錢接受到。
岩曬只為食野o既人，如果係同朋友敍舊，o爹成個鐘個D都係建議你去返居酒屋。
张贴