美味食店 (已結業)

去咗金魚街買嘢，然後經過美味食店，跟住就買咗串冰鎮滷味(雞腎)食吓，雖然係夠凍，但唔夠爽脆，原本諗住再買件臭豆腐食吓，但發覺已經冇以前咁臭，以前真係好臭，遠距離都聞到，所以後來我都係冇買到，生菜魚肉真係幾香，因為美味食店嘅魚肉係有加咗香葱，所以真係好香，D辣菜脯就加了少少，還可以，炸大腸真係唔錯，件件都充滿肥膏，註：其實有好多人都對炸大腸有D誤解，認為食炸大腸只係食脆皮嗰種感覺，其實食炸大腸係食肥膏喺個口腔裡面爆開嘅感覺，至於脆皮嘅感覺只係令人容易去接受咁肥膩嘅食物咁解