Mango Tree Café (已結業)

一直都係Mango Tree嘅fans，奈何價錢屬中上，平時冇可能成日去食。呢間mango Tree Cafe嘅價錢比較大路，環境好似係行後生路線，分量都係輕盈啲。前菜叫咗冬蔭炸雞翼同泰北豬肉串燒，啲雞翼炸得好香脆，亦都算入味。另外個豬肉串燒超正！好惹味又唔會韌，仲連埋糯米飯同少少木瓜沙律一齊上，感覺好似抵咗之後仲叫咗個八爪魚沙律、冬蔭功、青咖喱青口闊條麵同佢地招牌嘅黃咖喱蝦兵蟹將。個八爪魚沙律幾特別，入面啲菜係grilled嘅，啲八爪魚粒大件又煮得腍身，好香口開胃。冬蔭功湯就維持咗Mango Tree嘅水準，唔錯。個青咖喱闊條麵係我最期待嘅菜式，都冇失望。將傳統泰式青咖喱用意粉黎整，泰西合壁整得好好味最尾個黃咖喱蝦兵蟹將係最我覺得最好食兼最抵食嘅，竟然用Mango tree一半價錢左右就食到佢個黃咖喱，又要有蝦有蟹，超抵！個味道係同mango tree一樣架！總括黎講我覺得都值回票價嘅，太古城黎講價錢都OK。