BnR (已結業)

尋日lunch 同阿媽去，諗住試吓，嗌咗兩個都係花膠雞湯底，我果個加韭菜餃，我阿媽嗰碗好快上，我嗰個等咗20分鐘，基本上全場除咗我之外，個個都食緊嘢，即使是遲來的客人。我阿媽都差唔多食完我碗麵先上。期間催咗三次冇，我見侍應有催不過冇回應過我。期間冇嘢做睇住個廚房出菜，見到佢哋每一碗麵上面都有張浸左一半響湯的出菜紙，waitress 好熟練地拎開佢fing 兩Fing 掉咗佢。感覺唔太衛生，至於個湯底，食完之後非常口渴，有兩條好硬嘅花膠，同埋冇溫度嘅雞。埋單走時侍應話唔好意思等咁耐，話啲韭菜餃係即時包，所以起碼要10幾分鐘，不過之前催單提都冇提。我建議佢下次可以分開上，咁唔使等咁耐。亦有同佢反映廚房出菜紙浸響碗湯嘅衛生問題，佢只係話會同公司反映，唔知係咪真