豆漿大王(粢飯) (已結業)

屈指一算，其實都幫襯過豆漿大王數十次，只不過因為唔想俾間冒牌貨引起誤會而無寫食評，既然而家終於昭雪，就一於寫番編食篇介紹一下。其實聽見「豆漿大王」4個字，你就會知道係賣豆漿、菜飯等上海野。而呢間舖亦一樣，呢度o既主打唔係豆漿，而係菜飯。廿零蚊大大碟(外賣更大碗)，o係同區算係交足貨，不過老細整的菜飯就較奇怪，配的不是傳統上海小炒，好似回鍋肉等等，而係配燒鰻魚、咖喱牛腩等等，簡單來說有點不侖不類。聽講老闆係學了多年師才秘製出菜飯，我想如果係咁佢都算失敗。更何況食多咁多次，佢o既菜飯用料雖然新鮮，但o的味道硬是有一種臭青味，這可能與菜的問題尤關。當然嚴格來說，根本就唔係傳統上海菜飯。至於另外一項主打粢飯，就更其怪，材料居然可以自由配搭，油炸鬼做餡你聽過味？而且o係呢間鋪仔度，居然有鮑趐食，當然用乜野料大家心知肚明，但不由得寫過服字俾佢。全店最正常可能就是檐檐麵，但味道如何，我未試過，因為硬是覺得自己煮會較好食。當然你如果要求低，可以試o下自選三餸車仔麵，不過o的配料好似打邊爐咁，肥牛、靚菜(佢真係咁寫)、豆卜。據老闆所講，佢之前o係銅鑼灣、觀塘都開過分店，但因為金融風暴而結業，不過我覺得係