十六座車仔麵 (已結業)

又去旺角濕平，博鬥完就煩醫肚，細妹話呢間車仔麵有D雞亦近似荃灣一家車仔麵味道，所以便試一試其真章好懷舊的設計當中插入不小的舊款屋邨元素，未吃味道已經感覺良好，因為有好多場景已經不復見，勾起左唔少嘅回憶叫餐就好環保，張紙過咗膠，可以循環再用，而食物就係一般車仔麵上有餸菜款，比較特別嘅係有流心蛋，而且除湯麵之外，亦可乾撈，而且現在有優惠，四餸送豆漿，有幾款嘢飲仲係自家制我叫咗乾撈米粉，中辣豬皮好入味，豬腸同八爪魚都好淋身，通菜夠青緑，中辣都幾辣，好辣者可挑戰，而且佢辣中帶甜，可以說是一點紅，不是死辣，辣得嚟又比D甜頭你嚐下朋友都係叫乾撈，分咗一D餸比我嚐鮮，雞亦甜甜地，冬菇夠入味，蘿蔔都比想像做得淋同入味，因為佢個外形好完整，估唔到會keep到外形之餘又入味同淋，不過魚蛋唔合格，值得一提係個麵，係紅菜頭麵嚟嫁~唔係度度食到炸豆腐好好食，做到外脆內軟仲好滑添，一定要趁熱食，咁先最好味，不過小心燙口～