影片
更多
2011-01-08
31 浏览
因為睇報紙知道出名平既日本燒烤終於係香港開店,不禁令我諗起好多年前玩過一隻ps2燒肉game,燒肉燒到有game出都算搞鬼,但當我聖誕節個排想打去book既時候點知佢已經同我講book到2月中.....真係無言呀當我下定決心搵日去排既時候,有朋友比我先一步做左白老鼠,而佢既評論居然好差==係咪因為佢平時食得好野多先覺得唔掂呢?!根據佢既感覺係"埋單六百多元, 但一點飽的感覺也沒有. 雖然每一碟價錢不是太貴, 但份量真的太少了. 而且D牛肉一點都不好吃. 我相信大家試過一次之後都唔會再去幫襯. 而且仲要排咁耐先有得食. 真的太不值了"節錄自佢個blog,有興趣既可以去睇睇http://hk.myblog.yahoo.com/angelmichael-wedding/article?mid=3763聽佢講得咁差,不禁有d動搖....不過....人係唔試過唔會心息既動物,況且再差再唔抵食既我地都試過,唔得既最多下次唔再幫襯law!!!!講返餐飯,我地等左半個鐘到就入得,由於我之前睇左好多食評同介紹,所以心裡有數食d咩,一坐低已經叫人黎落單,個店員真係會mou低寫單而且黎既速度仲好快,我6點2
當我下定決心搵日去排既時候,有朋友比我先一步做左白老鼠,而佢既評論居然好差==係咪因為佢平時食得好野多先覺得唔掂呢?!根據佢既感覺係"埋單六百多元, 但一點飽的感覺也沒有. 雖然每一碟價錢不是太貴, 但份量真的太少了. 而且D牛肉一點都不好吃. 我相信大家試過一次之後都唔會再去幫襯. 而且仲要排咁耐先有得食. 真的太不值了"節錄自佢個blog,有興趣既可以去睇睇http://hk.myblog.yahoo.com/angelmichael-wedding/article?mid=3763
聽佢講得咁差,不禁有d動搖....不過....人係唔試過唔會心息既動物,況且再差再唔抵食既我地都試過,唔得既最多下次唔再幫襯law!!!!
講返餐飯,我地等左半個鐘到就入得,由於我之前睇左好多食評同介紹,所以心裡有數食d咩,一坐低已經叫人黎落單,個店員真係會mou低寫單
而且黎既速度仲好快,我6點2落單,6點4就全部黎晒~~good,而且每次叫人黎加茶都好快有,可見店員唔係唔理人,只係晚飯時候太忙而已,去得果個鐘數食飯就預左要忍耐~~
最終叫左7碟+2個牛角飯同一個銅鑼燒
先食前菜開開胃~麻香椰菜同王樣豆腐,再順序食牛舌,牛肩,牛肋骨x2,牛腹胸
麻香椰菜記得撈下先,個底有塩水ga
原先諗得食細一半既辣油豆腐,不過有人嫌細,點知.....黎到勁大舊law~最後都食唔晒...
最期待既牛舌....始終都做唔到人地講既爽脆,不過又未至於un到咬唔開
跟住係細細塊,一口一塊的牛肩有少少根同
全晚最好食既牛肋肉,我地燒汁同塩味都叫左,不過塩味咸左d
腹胸肉因為要左味噌所以味道最濃,肉質冇牛肋骨咁軟重點係牛角飯,燒好既牛肉放係飯上面包埋d紫菜食一齊食,勁滿足^^飯配合牛肉既汁同油好好味,仲好大碗,唔怕淨食得多肉會濟又食得少肉又唔夠飽,原本諗住試下香蔥溫泉蛋飯,不過因為唔知碗飯幾大碗,驚蛋汁多過得滯會好難食,所以冇叫~~下次一定會試下^^
最後碗飯我都食唔晒~因為我要留肚食甜品銅鑼燒!!!!店員叫我地每邊燒10秒其實唔夠,我燒左成20秒(當然要睇個爐d火勁唔勁啦~)先食,真係好好味外面脆卜卜,裡面d雪糕唔太甜,i like it^^
總括黎講~~~~其實真係唔差ga~同埋冇想像中等咁耐,我地5:30去排都冇咩人得6,7個到係5:45先開始多之ma~所以大家如果唔想等得咁痛苦可以簡平日5點3,4個字就ok!!!過6點先去既2-4人預定8點至8點半,5-8人既起碼9點啦~~~因為燒烤唔同一般食飯,d人係慢慢燒既,而且牛角個環境真係好啱人慢慢食慢慢傾計~~所以你問職員要等幾耐真係答到你至奇我好同意樓下講,等得耐唔耐自己可以簡,唔等得唔好等,唔好怪人地帶位,2個人黎食既大把,佢地冇咁多2人位,唔通比後面d人先??咁排隊有咩意義??前排d 2個2個嘈到拆天都似!!!!至於好唔好食真係好講技巧,我開頭燒左幾舊都因為燒得太耐所以唔好食,其實d肉燒20-30秒已經ok!!其實都有張紙教人點燒,不過得牛舌,牛肋骨同牛肩~我覺得唔夠...因為比較難既王樣腹胸肉同和牛都冇教,所以d人唔識燒得好食先令人誤會唔好食,至於我地基於都唔係燒肉能手,所以都唔點呢2樣而且人地燒肉主打,所以根本唔會期望佢d什麼泡飯拉麵會好好食...仲要唔平tim,咁我寧願叫份肉好過啦~~
不過份量以男仔黎講的確少,建議加碗牛角飯咁就一定夠飽,我就食到一半已經食唔晒碗飯啦@@如果幾個男仔食反而食盛八好d,因為牛角d野真係幾細份~果日我男朋友仲未食妟,好彩我平時都細食,如果唔係隻食肉獸一定唔夠,總共食左4百蚊到,因為佢太肚餓先比平時食多左,如果唔係3百零蚊已經ok,下次都會再去!!!!!
张贴
