王家沙 (已結業)

經過紅磡探朋友，去找openrice睇下食咩，見到王家沙但負評吾少，但因為見到餐牌有魚湯，鐘意魚湯的我們忍吾住入去試下。食完其實覺得味道吾差同價錢都吾係十分貴，下次可以再去試下佢其他分店。餐紙點野食，其實之前食過都有吾同選擇，而因為我地吾係太餓原因，湯都係一個主打！～其他就叫少少野食。皮蛋豆腐：豆腐好滑身，汁少少甜味和杰身，所以可以黏到豆腐一齊食，好味道又開胃，皮蛋切得細細粒夠入味，但肉鬆就濕左少少。蟹粉小籠包：一見到脹呼呼已經十分討好，當咬了一口已經流了不湯出來，蟹粉香出晒黎，加上豬肉味香更好味道。砂鍋魚頭薑湯：一開好驚喜，份量堅多同好香魚香味，佢個面有隻雞蛋係度，朋友話原來咁煮係可以堅補身，而且魚頭堅大個魚肉又多，但薑味吾夠多，湯煲出黎都好奶白同好有魚味，份量如果4人黎講就剛剛好，今次我地2人份量就偏多左。啤酒，豆漿：青島一罐$28（偏貴）,豆漿＄16,豆漿味道濃又夠熱，好暖胃！～豆漿份量都抵飲。