影片
更多
2022-05-28
176 浏览
餐廳：Polaris (太和)地址：太和太和路15號太和中心9號舖北極星⭐️，象徵住明確嘅目標同方向，可以帶領住人重新出發同前行，而呢一個亦喺老闆將呢間Cafe改名為Polaris @polaris_hker 嘅原因，唔知你又搵到自己嘅人生方向，準備好向住呢個目標勇敢出發未呢？Polaris開咗9個月左右，因為老闆本身喺做西廚，所以呢間Cafe嘅食物都喺以西餐為主，好多食物嘅元素同調味都喺老闆一手一腳去主理👨🏽🍳，非常用心💕佢哋嘅午市Set Lunch定時會轉，價錢由$68-$98不等，另外仲有A La Carte Menu，叫Burger🍔、主食同Pasta都包餐湯同飲品。今日嘅餐湯喺南瓜忌廉湯，用原隻南瓜打出嚟🎃，飲落鮮甜，食到啖啖南瓜蓉，就算面頭加嘅忌廉都整得好靚😍，絕唔馬虎；另外仲送咗個前菜——檸檬蜂蜜糖漬蕃茄🍅，酸甜適中好開胃，除咗有去皮蕃茄仔之外，仲加咗檸檬碎🍋，有陣陣檸檬同蜂蜜香🍯✝️藍花蟹肉蝦膏貓耳朵粉 $98用咗明太子、蟹肉碎🦀、蝦膏🦐、Parmesan芝士碎整成嘅貓耳朵粉，味道鹹香creamy，明太子同蝦膏香之中食到粒粒明太子同蟹肉碎，仲有充滿「芝」味嘅Parmesa
地址：太和太和路15號太和中心9號舖
北極星⭐️，象徵住明確嘅目標同方向，可以帶領住人重新出發同前行，而呢一個亦喺老闆將呢間Cafe改名為Polaris @polaris_hker 嘅原因，唔知你又搵到自己嘅人生方向，準備好向住呢個目標勇敢出發未呢？
Polaris開咗9個月左右，因為老闆本身喺做西廚，所以呢間Cafe嘅食物都喺以西餐為主，好多食物嘅元素同調味都喺老闆一手一腳去主理👨🏽🍳，非常用心💕
佢哋嘅午市Set Lunch定時會轉，價錢由$68-$98不等，另外仲有A La Carte Menu，叫Burger🍔、主食同Pasta都包餐湯同飲品。
今日嘅餐湯喺南瓜忌廉湯，用原隻南瓜打出嚟🎃，飲落鮮甜，食到啖啖南瓜蓉，就算面頭加嘅忌廉都整得好靚😍，絕唔馬虎；
另外仲送咗個前菜——檸檬蜂蜜糖漬蕃茄🍅，酸甜適中好開胃，除咗有去皮蕃茄仔之外，仲加咗檸檬碎🍋，有陣陣檸檬同蜂蜜香🍯
✝️藍花蟹肉蝦膏貓耳朵粉 $98
用咗明太子、蟹肉碎🦀、蝦膏🦐、Parmesan芝士碎整成嘅貓耳朵粉，味道鹹香creamy，明太子同蝦膏香之中食到粒粒明太子同蟹肉碎，仲有充滿「芝」味嘅Parmesan芝士碎，
用貓耳朵粉啱啱好兜住啲醬汁，放入口就更加食到醬汁嘅精髓🤩
✝️慢煮黑毛豬·奶油薯蓉·青蘋果蓉 $98
經過慢煮嘅黑毛豬鞍🐷，除咗淡淡都喺肉之外，當你切開嗰陣就會感覺到佢嘅軟腍，
肉汁喺刀鋒之間輕輕滲出💦，放入口一啲都唔嚡，而且豬肉香味被底下嘅奶油薯蓉同青蘋果蓉襯托得更上一層樓👍，不過我自己就鍾意原汁原味咁食😝，另外仲有煎香嘅翠玉瓜做配菜
✝️自家製Tiramisu (跟餐+$38)
成個Tiramisu都喺餐廳由零去整🍰，無論係所調嘅酒定手打嘅cream，都睇得出Polaris嘅用心💛，加上跟餐價$38就食到正方形一大件，唔叫都對唔住自己😜。香、滑、甜、膩、柔和中又帶有豐富嘅質感，仲有若隱若現嘅Expresso同酒香🥃，食完反而令到食慾更加大增😂
✝️黑白森林 $88
呢個必叫嘅打卡甜品，用咗Oreo碎、可可粉、朱古力醬、Mascarpone Cheese、朱古力雪糕、榛子朱古力🍫、Kit Kat、同自己打嘅雞蛋漿整成嘅雞蛋仔砌成。
黑白色嘅配搭同髒髒嘅擺碟淨係望都夠晒吸引🤤，拎開香脆嘅雞蛋仔就見到大量嘅Mascarpone Cheese同朱古力雪糕，Mix埋一齊食雖然有啲甜膩，但完全滿足到我鍾意食甜品嘅慾望😏
跟餐叫特飲可享半價優惠，叫咗個小山園日式焙茶(半價$22)同Cappuccino(半價$18)；
焙茶香氣馥郁，味道濃郁豐厚，仲有靚靚拉花啱晒打卡📸Btw出入開玻璃門嘅時候要小心，唔小心撞爛就要賠$52800㗎喇💢
张贴
