影片
更多
2022-08-08
153 浏览
每次經過亞太中心，門口有長長嘅人龍排隊上去食嘢，只要上兩層電梯，就有一間好隱世嘅法國菜。都係同事帶我嚟食個lunch先知道有一間法國餐廳，今晚就試埋晚餐Six-Courses $688/head▪️55 Organic Egg, Beluga Caviar55度慢煮嘅有機蛋配黑魚子，蛋黃半熟呈流留心狀態配上鹹香嘅黑魚子。賣相靚之餘，作為第一道菜，係驚喜嘅開始。▪️Smoked Hokkaido Scallop食完第一道菜冇耐，店員就拎咗一個黑色嘅波波過嚟。慢慢打開就聞到一浸煙熏味。之後就介紹呢一個係煙燻過嘅北海道帶子，兩邊略略煎香，配上炸過嘅Parma ham，香口之餘又帶出到帶子嘅鮮甜味。▪️Mini Donut, Braised Angus Ox-tail將牛尾收埋起冬甩仔入邊，食之前親手將牛尾汁唧入去，冬甩外脆內軟又吸收晒啲汁，牛尾肉軟腍重牛味。係睇得又玩得嘅一道菜。食完頭三道菜，就進入更加精彩嘅下半場😏▪️Tomato Consommé上菜嗰陣我以為係蟹肉蕃茄沙律😂 跟住店員過嚟淋埋個清湯～ 呢個湯好清甜，解一解膩清清喉嚨⋯▪️Sous Vide French Free Range Pi
每次經過亞太中心，門口有長長嘅人龍排隊上去食嘢，只要上兩層電梯，就有一間好隱世嘅法國菜。都係同事帶我嚟食個lunch先知道有一間法國餐廳，今晚就試埋晚餐
Six-Courses $688/head
▪️55 Organic Egg, Beluga Caviar
55度慢煮嘅有機蛋配黑魚子，蛋黃半熟呈流留心狀態配上鹹香嘅黑魚子。賣相靚之餘，作為第一道菜，係驚喜嘅開始。
▪️Smoked Hokkaido Scallop
食完第一道菜冇耐，店員就拎咗一個黑色嘅波波過嚟。慢慢打開就聞到一浸煙熏味。之後就介紹呢一個係煙燻過嘅北海道帶子，兩邊略略煎香，配上炸過嘅Parma ham，香口之餘又帶出到帶子嘅鮮甜味。
▪️Mini Donut, Braised Angus Ox-tail
將牛尾收埋起冬甩仔入邊，食之前親手將牛尾汁唧入去，冬甩外脆內軟又吸收晒啲汁，牛尾肉軟腍重牛味。
係睇得又玩得嘅一道菜。
食完頭三道菜，就進入更加精彩嘅下半場😏
▪️Tomato Consommé
上菜嗰陣我以為係蟹肉蕃茄沙律😂 跟住店員過嚟淋埋個清湯～ 呢個湯好清甜，解一解膩清清喉嚨⋯
▪️Sous Vide French Free Range Pigeon
四成熟嘅法國走地白鴿，肉質非常鮮嫩，可以點山楂汁或者紫薯汁，我自己就覺得咩都唔點就咁食最好食
▪️Chef Handmade Pasta
餐廳自家製嘅闊麵，配雞油菌。手工製闊麵煙韌彈牙！
▪️Mystery Dessert
甜品係朱古力提子雪糕，用朱古力包住雪糕，之後淋上冧酒點火，朱古力慢慢溶化，令到成個甜品帶酒香。
整體來講，就係食廚師嘅心機同埋店員嘅表演😋係非常滿足嘅一餐，亦估唔到一間咁高質嘅餐廳係隱身起喺觀塘呢一座商業大廈入邊！
完！
张贴
