影片
更多
2019-01-11
3605 浏览
呢排有少少凍，人一凍就好想食啲辣辣地嘅嘢，或者食多啲肉暖下胃， 韓國料理絕對係唔錯嘅選擇，今次同友人去到旺角行完街，試嘅呢間韓國料理幾有家常嘅味道， 值得一試！餐牌都幾厚，都幾多選擇， 有選擇困難症嘅我哋都掙扎咗一陣。不過我哋都選定咗食燒肉拼盤、一碟牛肉，仲叫咗一個湯加辣泡菜煎餅。 但估唔到未食就已經有咁多前菜送上， 睇見都流曬口水。包括有土豆絲、西蘭花、酸蘿蔔、泡菜、南瓜、大豆芽呢六款， 而我就比較鍾意土豆絲同埋泡菜，土豆絲鹹鹹地，但係好香好爽脆， 咬落絕對唔似食緊薯仔咁， 有時土豆絲浸得唔夠耐，就會變淋，係因為入面嘅澱粉質未浸得走，但呢個就絕對唔會， 功夫做得好足好細心！醃泡菜嘅味道都相當開胃，相信係店家自己醃製嘅， 同出面舖頭食到嘅味道唔同味道唔會太鹹太辣反，而酸甜味比較多，唔錯！店員送上烤肉嘅同時，亦都送上呢一個生菜拼盤，加埋呢個醃生菜同大豆醬， 平時一般食燒肉嘅舖頭，如果要生菜的話，通常都要加錢，但係呢度就唔使，會送埋畀你，感覺都幾抵食！而且生菜拼盤仲有大蒜，鍾意食重口味嘅人，可以夾埋啲肉一齊食！淨係烤肉加埋配菜都已經可以半飽， 份量都真係幾大㗎！燒肉方面，我哋叫嘅拼盤分別有
餐牌都幾厚，都幾多選擇， 有選擇困難症嘅我哋都掙扎咗一陣。
不過我哋都選定咗食燒肉拼盤、一碟牛肉，仲叫咗一個湯加辣泡菜煎餅。 但估唔到未食就已經有咁多前菜送上， 睇見都流曬口水。
包括有土豆絲、西蘭花、酸蘿蔔、泡菜、南瓜、大豆芽呢六款， 而我就比較鍾意土豆絲同埋泡菜，土豆絲鹹鹹地，但係好香好爽脆， 咬落絕對唔似食緊薯仔咁， 有時土豆絲浸得唔夠耐，就會變淋，係因為入面嘅澱粉質未浸得走，但呢個就絕對唔會， 功夫做得好足好細心！
醃泡菜嘅味道都相當開胃，相信係店家自己醃製嘅， 同出面舖頭食到嘅味道唔同味道唔會太鹹太辣反，而酸甜味比較多，唔錯！
店員送上烤肉嘅同時，亦都送上呢一個生菜拼盤，加埋呢個醃生菜同大豆醬， 平時一般食燒肉嘅舖頭，如果要生菜的話，通常都要加錢，但係呢度就唔使，會送埋畀你，感覺都幾抵食！
而且生菜拼盤仲有大蒜，鍾意食重口味嘅人，可以夾埋啲肉一齊食！
淨係烤肉加埋配菜都已經可以半飽， 份量都真係幾大㗎！
燒肉方面，我哋叫嘅拼盤分別有：五花肉、雞腿肉、 牛肉， 分開嗰啲都係牛肉，不過就係牛肋肉， 牛肋肉有少少雪花，而且加上有預先調味，食落香口得嚟都幾入味。
不過我覺得五花肉嘅味道就比較吸引，可以加少少鹽再配埋生菜蒜頭一齊食，對於我呢啲鍾意食重口味嘅人，簡直就係一流嘅滋味。
另外我哋仲叫咗一個泡菜煎餅，煎得都幾香脆，而且好多泡菜，食落一啲都唔油膩！
而呢一個辣豆腐海鮮湯都係食韓國菜必點嘅， 貪佢夠暖身， 入面嘅豆腐吸收曬湯味道，滑得嚟好濃味，正！
叫到一檯都係嘢，今餐真係好滿足！
张贴
