Lemongrass (已結業)

睇佢門面同裝修都唔似質素咁差嘅餐廳， 入到間餐廳裝修同環境都唔錯，食物價錢唔係平但又唔係話貴，但收得呢個價錢食物嘅質素應該唔可以差成咁樣，首先講下個白汁海鮮飯，面頭啲海鮮食落去係冇問題，但食啲飯又爛又濕，椰汁比例可能唔係好啱，跟住就係海南雞飯，附送嘅例湯係鹹到苦嘅 ，伴碟嘅菜心冰凍的，完全係好似啱啱響雪櫃攞出嚟咁，佢個海南雞嘅醬汁味道唔係太好味(好怪， 如果大家唔知乜嘢怪味就去九龍城試下只賣58蚊嘅海南雞飯就知道個分別喺邊度， $94海南雞飯只值25蚊$69係幫佢交貴租)，個臘腸炒椰菜苗更離譜，揶菜苗淋謝謝唔爽口，臘腸唔香好似白烚咁，成碟臘腸炒菜苗水汪汪，椒絲同薑絲嘅刀工連大排檔都不如，有目共睹，居然收人哋92蚊仲未計加一，總括嚟講食完今次下次一定唔會再嚟，完全係茶記出品，高檔收費，因為食物同價錢完全唔合比例，本人覺得不值得一試。