影片
更多
2010-07-27
86 浏览
很久沒有打食評，適逢有生日飯局，寫一寫對海港酒家的食物，服務的少少評價！早在兩星期前已去訂檯，因為大家想有一間房打牌，所以訂了一圍3,288，但一行18人的我們當然不足夠，經理提意逢係件件上的菜餚加夠18件，當然是好啦，而紅燒雞絲大生翅亦都要加多一份例牌，如不加的話，恐防大家分不到一碗呢！而且經理講明額外加的會另上，很是均真。到了當日，四點半準時可以比到房我，服務倒是不錯的，各位侍應姐姐都很有禮貌，斟茶沖茶不斷，頻頻入嚟睇下有咩需要。食物質素方面，都算係不錯，只係嫌佢上菜很慢罷了，依阿姐都話人客多所以上菜慢，好彩大家有電視睇，又可以吹吹水，倒不太介意。味道方面：鴻運乳豬全體件上：朋友與我都覺得肉厚過皮，但又幾好味，起碼有肉食嘛。翡翠花姿炒帶子：爽口帶子及花姿片千絲百花球：超愛！蝦肉很彈牙，好熱辣辣蠔皇金錢柱脯：好愛吃佢嘅大冬菇，因為好入味又夠林。紅燒雞絲大生翅：兩大盆翅，幾好味，有翅針，但唔係叫多囉，不過趸失。清蒸生猛大海青斑：條斑同「大」字距離頗遠喎，都佔碟冇一伴。翡翠黃玉參扣鵝掌：鵝掌炆得林，很入味，帶差膠質嘅醬汁伴食娃娃菜，好味。脆皮醬燒雞：夠滑，不錯。健康紅米炒飯：第一次食咁健
早在兩星期前已去訂檯，因為大家想有一間房打牌，所以訂了一圍3,288，但一行18人的我們當然不足夠，經理提意逢係件件上的菜餚加夠18件，當然是好啦，而紅燒雞絲大生翅亦都要加多一份例牌，如不加的話，恐防大家分不到一碗呢！而且經理講明額外加的會另上，很是均真。
到了當日，四點半準時可以比到房我，服務倒是不錯的，各位侍應姐姐都很有禮貌，斟茶沖茶不斷，頻頻入嚟睇下有咩需要。
食物質素方面，都算係不錯，只係嫌佢上菜很慢罷了，依阿姐都話人客多所以上菜慢，好彩大家有電視睇，又可以吹吹水，倒不太介意。
味道方面：
鴻運乳豬全體件上：朋友與我都覺得肉厚過皮，但又幾好味，起碼有肉食嘛。
翡翠花姿炒帶子：爽口帶子及花姿片
千絲百花球：超愛！蝦肉很彈牙，好熱辣辣
蠔皇金錢柱脯：好愛吃佢嘅大冬菇，因為好入味又夠林。
紅燒雞絲大生翅：兩大盆翅，幾好味，有翅針，但唔係叫多囉，不過趸失。
清蒸生猛大海青斑：條斑同「大」字距離頗遠喎，都佔碟冇一伴。
翡翠黃玉參扣鵝掌：鵝掌炆得林，很入味，帶差膠質嘅醬汁伴食娃娃菜，好味。
脆皮醬燒雞：夠滑，不錯。
健康紅米炒飯：第一次食咁健康炒飯，倒覺得清新，有薑，有粟米粒，仲有....我唔鍾意嘅薑囉！
雙喜伊麵：冇試，但冇人彈喎！
合時甜品：紅豆沙。
蟠桃：好大隻，因為仲有兩隻生日蛋糕，所以大家每人打包了回家，第二朝「叮」熱食，幾好味，有兩款餡，白蓮蓉/奶皇。
環球鮮果盆：西瓜及乾爭爭嘅橙。
每席奉送：Alice White 特級紅酒一瓶(嘉士伯啤酒六罐)<----啤酒冇人飲，所以轉埋做汽水，
水六罐，茶芥，免加一
埋單的小插曲：因為酒席是全包宴，所以部長話要比啲貼士作賞錢，其實真的不介意，但好似好embrassing咁，依且傻到問返人咁應該比幾多，哈哈，下次不如早早講定吖，如果你設加一我都唔介意嘅，因為服務真的不錯！
张贴
