影片
更多
2014-05-28
1206 浏览
近年收到唔少食友所送贈嘅零食，如餅乾、糖果、曲奇、朱古力……等等，曲奇一向都有以「好友狂嚐曲」為題寫出食評系列。因為收到食友及朋友送贈幾個品牌嘅朱古力，所以，早前二月中就一口氣寫咗3篇朱古力食評，題為「公朱同好（一）（二）（三）」，意思喺有好嘢就梗喺共諸同好啦 。好想為依個題目繼續寫，不過，都要有得收，先有得寫。儲咗幾個月，依家又可以寫番幾篇，依篇（四）就先分享agnès b. DÉLICES嘅朱古力，唔知點解，依兩年收唔少此品牌嘅朱古力 ？！走上官網八一八，依款產品分類為「沾朱古力系列」，有10多款唔同嘅朱古力小食，如草莓白朱古力脆球、朱古力脆杏仁、黑朱古力脆片、榛子黑朱古力……等等，以及朋友所送嘅「Snow Ball朱古力」。罐後所印成份包括：黑朱古力、榛子及腰果，幾樣都喺喜愛食材，所以，對粒朱古力自不然殷切期待 。罐內以鍚紙包裝，並有拉鍊封條。淨重120g，一共有15粒，賣140，平均接近$10一粒，話貴唔貴，話平唔算平。話就話喺「波」，其實似粒骰，咬開一粒影張「內心」照，內裡以黑朱古力融合榛子及腰果碎，再晌外面灑上糖粉。入口粉粉軟軟，榛子仁較研磨得大粒，而腰果碎則壓得碎碎
走上官網八一八，依款產品分類為「沾朱古力系列」，有10多款唔同嘅朱古力小食，如草莓白朱古力脆球、朱古力脆杏仁、黑朱古力脆片、榛子黑朱古力……等等，以及朋友所送嘅「Snow Ball朱古力」。
罐後所印成份包括：黑朱古力、榛子及腰果，幾樣都喺喜愛食材，所以，對粒朱古力自不然殷切期待 。
罐內以鍚紙包裝，並有拉鍊封條。淨重120g，一共有15粒，賣140，平均接近$10一粒，話貴唔貴，話平唔算平。
話就話喺「波」，其實似粒骰，咬開一粒影張「內心」照，內裡以黑朱古力融合榛子及腰果碎，再晌外面灑上糖粉。入口粉粉軟軟，榛子仁較研磨得大粒，而腰果碎則壓得碎碎，糖粉令粒朱古力變得偏甜，有啲影響咗朱古力嘅甘苦味，所以，覺得味道麻麻 。
前前後後都試過好幾款agnès b. DÉLICES嘅出品，以依款Snow Ball朱古力最唔啱食！因為自己都覺得麻麻，就唔好意思請同事食，為咗貫徹唔好嘥嘢精神，只好「硬啃」，亦辜負朋友一番心意 。
题外话/补充资料：
因為喺朋友嘅餽贈，所以，環境、服務、衛生、抵食及每人消費各欄，參考價值唔大。
(以上食记乃用户个人意见 , 并不代表OpenRice之观点。)
张贴
