鋒哥廚房 (已結業)

今晚黎到呢頭食飯, 公園路有間新開茶餐廳, 就黎試下呢度既小炒, 同主子叫左3個小菜, 包括中式牛柳, 馬拉盞炒通菜同埋黑松露韮皇蝦仁炒蛋, 跟餐有足料蘿蔔肉排湯, 湯都足料好味, 凍飲就加3蚊基本, 先講下炒蛋, 蛋滑蝦仁大隻, 黑松露好香, 馬拉盞炒通菜就差啲, 味太重, 莖可以炒耐少少, 茨汁就重手左, 所以見到啲汁漿埋一齊, 中式牛柳夠林, 呢碟餸牛柳多過菠蘿同洋蔥, 真係好少見, 在肉貴過菜的時代仍咁足料, 抵食, 呢餐飯3個餸唔洗200蚊, 算可接受