響 - Hibiki 日本燒肉 (已結業)

今晚係公司食春茗，成班人柴娃娃去咗佐敦食日式放題，地點難搵啲。一坐低就當然大家急不及待要出去睇吓有咩酒飲，紅白酒成支俾我哋拎走唔客氣啦，唔止喎仲有清酒，梅酒，連我最鍾意嘅柚子清酒都有。味道清新，險些飲大。打頭炮就係刺身拼盤一出場個個嘩嘩聲，新鮮海膽，生蠔，長腳蟹肉身有啲乾，日本（喜之次）有返咁上下價值嘅魚，居然係放題有得食，肉身油脂分泌平均，用作BBQ鮮味無窮。大蝦，大扇貝差不多噏得出嘅海鮮富有。👍最喜愛澳洲和牛西冷，無限量供應，對於我呢班蝗蟲式同事，呢間日式放題簡直大讚。雪糕甜品又有Movenpick 焦糖燉蛋味、又有Dreyer’s 雪條。真係好過去高級酒店多多聲。今晚仲包咗間VIP房俾我哋班嘩鬼，點嘈都唔會尷尬。大家都玩得非常盡興呢！