砂煲 (已結業)

其實今次已經係第2次去食, 上次去已經係1年前lu~可能個市升番d, 老闆賺左d, 竟然夜晚叫我地去食火鍋。老闆係砂煲常客, 連佢自己既家庭聚會都會去呢度。呢日, 我地叫左生蠔, 青蟹一隻, 花蟹一隻, 日本牛肉, 本地牛肉, 唐生菜, 蘿蔔, 鯪魚肉, 仲有洞庭麵。4個人剛剛好。青蟹好食, 但估唔到花蟹仲鮮味。鯪魚肉好味道。日本牛肉當然新鮮又好味, 但原來顏色較「瘀」既本地手切牛肉仲好味道!除左食物質素, 最好就係有獨立房間, 服務又周到!由於老闆請食飯, 幾多錢就唔知lu~ 不過如果我自己比錢就未必黎lu, 由於都唔平架! 我諗每人最少都三、四百喇!