Dozy

营业中

休息中

公司樓下開咗呢間外賣店😍對我呢啲成日都想食健康啲又懶得去整嘅，實在太幸福！店員話佢哋嘅食品，每日新鮮製造，無過夜架👍🏻飲品方面有咖啡、鮮茶，食物就主打沙律，仲有我愛嘅bagel🥯，會整熱先俾我帶走。我order咗兩款沙律同另一個一齊分享，大大盒，賣相色彩繽紛，見到都開心！～煙燻三文魚牛油果石榴粒～大蝦無花果腰果車厘茄青木瓜可以配搭四款醬汁，我就揀咗比較清新嘅蜜糖芥末汁同埋香草汁，食材方面煙燻三文魚質地柔軟滑嫩。牛油果🥑好似奶油般嘅果肉，味道濃郁而滑順，加上石榴粒嘅微酸，好清新。大蝦🍤味道鮮甜，同無花果嘅甜味好夾，加上爽脆嘅青木瓜，味道較為清淡健康。不同醬汁增添不同層次和風味，好特別！