翡翠拉麵小籠包

营业中

休息中

初六开工同teammate食个团年lunch，拣左新城市广场三期既翡翠拉面小笼包。因为人多，有得坐最入面个张大枱，落地玻璃好光猛好阔落，坐得几舒服。无影晒所有菜式喇，只是影左啲印象深刻既菜式。质素唔错，做团年饭黎讲几开心，佢仲有新年menu。可能当日午餐好多枱，出餐速度有啲慢，不过尚算接受到，过时过节大家开心食饭嘛。同埋啲员工态度都好好，食到中间仲比多啲黑糖糕同芋头糕我地试食，每人有一兜仔。芋头糕好香口，食得出无味精；黑糖糕都甜度适中，味道同平时食开个啲蔗糖年糕唔同，好好食。最后我买左2底黑糖糕，有几个同事都有一齐买。