八幡屋涮涮鍋 (已結業)

我地今日呢個餐可以食足3個鐘，食完真係晚飯都唔駛食呀！壽喜燒湯底😍湯底既醬汁有用清酒同味醂調配出黎，亦有啲甜豉油，再加入適量嘅水，味道唔會太濃，但係越煮會出味，打邊爐好適合！牛肩胛🥰呢個係除佐M5和牛之外我好中意既一款牛，牛肉唔會太肥，脂肪唔太多，肉質比較有嚼勁，一塊一塊咁食，勁快就清佐一碟啦！豬腩肉片😘雖然係豬腩肉片，但係啲肥膏都唔會多得好過分，反而係啲油花嘅油香令到成塊豬肉更加好食，味道更加濃，肉質亦都好柔嫩，超級好食！另外打邊爐任食嘅海鮮拼盤同埋就咁食嘅刺身拼盤都係好新鮮，全部質量都好好，啲海鮮好似扇貝鮮蝦都好大好爽甜，刺身嘅三文魚就夠晒肥，我最鍾意！