八寶清湯腩 (已搬遷) 新店位置

清湯牛腩牛丸河走蔥，多謝 HKD32。第一次啲湯係淺啡色，以往每次都係深啡色架喎，可能溝埋河粉所以淺色左啦。好采湯底味道無變，無淡左。依然係香濃牛味加藥材味道，好飲。牛腩 4 小片，食頭兩片既時候，佢地既香味、口感、味道同賣相令我突然想起蔡潤記，質地軟棉、肉汁豐富，但味道唔似清湯腩囉，哈哈。後兩片係牛腩邊位，乾爭爭又硬屈屈，不喜歡，唉 ﹗牛丸好普通，質感硬實，味道一般。最差係蘿蔔，今次有渣又老又酸又唔用牛腩清湯烚，得個腍字囉，唔怪得隔離枱位阿姐要走蘿蔔啦 ﹗扣分 ﹗