八哥主題餐廳 (已結業)

朋友係愛狗之人，尤其八哥，補祝佢生日就揾咗呢間八哥做主題嘅餐廳，佢一入到去就超開心，成個牆都係八哥，八哥無處不在！龍蝦湯裡面有少許蝦肉，香濃又滑，但有點少少偏咸(可能係自己近排食得清淡，朋友覺得剛好)烤焗雞翼真係好香好好食燒烤豬肋骨，骨肉容易分離，唔會好韌，小餐廳嚟講算係做得不錯，只係唔夠入味。法式羊架做得好好，啱啱7成熟，而且羊味香噴噴，讚！香煎帶子龍蝦汁意粉，帶子大大粒半生熟，龍蝦汁意粉無得彈！整體而言係食得開心嘅，食物質素亦不錯。