如知源味八刀湯米 (已結業)

香濃枸杞豬雜湯（八刀湯），豬雜切得偏薄，可能易煮得淋或者易煮得出味，豬膶，豬心，豬腰，瘦肉全部都煮得岩岩好，食落去感覺係新鮮肉食，唔似雪藏，好食，啖湯好濃，枸杞煮得岩岩好，再加上重胡椒及薑既味道，幾樣食材加埋未嚟食果陣以為又係扮乜哥果d米線，入到嚟食有驚喜，原來係用心做既豬雜湯，連薑絲都切得好幼細，即叫即煮上枱熱辣辣，美中不足就係冇辣椒絲，如果碟豉油加埋辣椒絲就一流喇！米線唔算好大份量，剛剛好。另外試左：辣-蘿蔔牛腩飯，都好好食，完全係家庭式味道，有別於屋苑內茶餐廳，但小店既敝處就係座位問題，始終座位不足，繁忙時間店員會禮貌咁同你講調一調位等等，明白既-畢竟小店生意，都係做午市為主，張就張就啦。