影片
更多
2017-05-25
554 浏览
减紧肥既你有无发现无论你点努力，放工未返到屋企食晚饭之前呢段时间最难挨呢？我通常放工搭车返屋企大概要成个钟，有时个肚咕噜咕噜咁叫，真系好难忍！所以我以前经过车站都会食番一、两份鱼蛋、鱼肉烧卖或者肠粉，咪睇呢啲嘢好似份量唔多唔会肥得去边，其实分分钟钟啲卡路里就等如一碗饭。之前睇过一啲报导，混酱猪肠粉可以高达400-600卡。如果每日食一餐，五日就会重一磅；而5粒鱼肉烧卖就等如一碗饭(即大约300卡)。(吓？！我一食就食10粒.....咁咪等如两碗饭？！) 所以宜家我都系放工前饮一杯清水先离开，一来可以补充系冷气房流失既水份，二来又可以顶肚饿。不过如果真系想食啲嘢，三角饭团可以系一个好选择，因为一个都只系164卡路里。大围铁路站内早前开咗一间华御结，售卖好多款三角饭团。我今日就试咗和风烧牛肉口味。其实我最初都唔抱任任期望，因为我以前试过便利店果啲，一系啲饭雪到硬绷绷，一系啲馅就变坏咗。但系估唔到呢个和风烧牛肉饭团啲饭一啲都唔硬，入面仲有块有日式酱汁既牛肉(都唔细块架)；而且紫菜食先拆开，所以唔会腍晒。(讲到拆开个包装，虽然包装纸有教点拆开，但我次次都整烂块紫菜，今次终于成功喇！)最重要系食
大围铁路站内早前开咗一间华御结，售卖好多款三角饭团。我今日就试咗和风烧牛肉口味。其实我最初都唔抱任任期望，因为我以前试过便利店果啲，一系啲饭雪到硬绷绷，一系啲馅就变坏咗。但系估唔到呢个和风烧牛肉饭团啲饭一啲都唔硬，入面仲有块有日式酱汁既牛肉(都唔细块架)；而且紫菜食先拆开，所以唔会腍晒。(讲到拆开个包装，虽然包装纸有教点拆开，但我次次都整烂块紫菜，今次终于成功喇！)最重要系食耐感觉啲食材新鲜，唔会系摆咗好耐无人买果啲。
$16
15 浏览
0 赞好
0 留言
好多人都会以为食饭会肥，但如果食啲唔顶得肚饿又劲肥既嘢，我就宁愿食啲饱肚啲既食物。如果你下次两餐之间想食少少嘢顶肚饭，不妨试一试三角饭团啦，又好味，又低卡。
张贴
