夢樂園 (已結業)

餐廳十分方便，就係The One對面嘅商業大廈裏面。餐廳環境好溫馨，仲有兩隻好可愛嘅貓店員。嘢食方面竟然有而家好有人氣嘅鴨血，麻辣類等野食。午餐仲可以加錢有小食或者嘢飲。紅尋白雪 佢呢個餸可以要辣或者唔辣。個人唔係太食得辣所以就要咗唔辣。佢湯底好香魚湯味，飲得出冇味精，值得一讚！而啲魚都好滑，加上彈牙嘅烏冬，好好食。黑毛豬滷肉飯滷肉飯肥瘦適中，肉香同油香啱啱好，再加上香菇嘅香味，調味都好合適，啲黑毛豬都好軟淋，佢嘅飯係珍珠米，啲飯都煮得啱啱好粒粒分明。小食 紅油抄手 府城蝦卷紅油抄手有三粒，佢既辣好香麻，而個府城蝦卷，估計佢有馬蹄，佢嘅外表都炸得好脆，食落有口感。茉香珍珠 冬瓜茶茉香珍珠有淡淡的茉莉花香,飲到幾清新，啲珍珠都幾有咬口。而個冬瓜茶個人推介！ 店員話係佢哋自家製造，佢飲每一啖都有冬瓜蓉喺入邊，十分足料，又唔會好似出面飲糖水咁，推介大家試吓呢個冬瓜茶。叫埋小食同嘢飲人均都係$100內，每款嘢食都食得出有心思，地點又方便，值得一試。