我要烤魚串燒烤魚專門店 (已結業)

上次👦🏻👧🏻食完呢間烤魚店之後，一直對佢哋嘅蕃茄湯烤清江魚念念不忘，魚皮烤到香脆得嚟帶點煙靭，肉質滑嫩得嚟又冇乜咩細骨😍！同埋呢度冷氣開得好大，一直喺度打邊爐都唔會覺得熱，啱哂怕熱嘅我哋。🐟蕃茄湯烤清江魚 $298烤魚有4款湯底選擇，會免費奉送配菜組合，如果係二人食用嘅話都唔需要另外嗌配菜。魚類有鱸魚同清江魚兩種選擇，我哋就鐘意口感嫩滑同油香十足嘅清江魚多啲。配埋濃郁香甜唔辣嘅蕃茄湯底，真係好滋味架。🐮手切封門牛柳 $48封門牛柳肉味濃郁，口感柔軟，吸收晒香甜嘅蕃茄湯底。🐤鮮雞腎串 $28/2串雞腎切成細細粒size，食落幾爽口同重孜然粉香味。🍗孜然燒雞翼 $32/4隻雞翼件件都幾大隻！燒到皮脆肉嫩，孜然粉香濃滲透入雞肉裏面，醃得唔會太鹹。🐖西班牙叉燒串 $14西班牙叉燒燒到啱啱好，有嚼勁唔會嚡口，上面搽咗香甜嘅蜜汁，整得好入味。🦑泰式墨魚鬚 $32/2串墨魚鬚口感爽脆有鮮味，配上泰式酸辣醬汁食，味道幾惹味。🦐燒虎蝦 $56/2隻兩隻虎蝦都大大隻，燒到外殼脆卜卜，外層灑咗唔少鹽，剝殼後蝦肉嘅鹽度到啱啱好，帶起到蝦嘅鮮味。蝦肉口感爽口彈牙，可以配泰式酸辣汁食，但我哋鍾意原汁原味咁食多啲。