宜家家居餐廳及咖啡室

同個未夠3歲嘅女去食一餐有熟三文魚嘅晚飯, 諗下諗下, IKEA咪有得食囉, 仲係幾好食, 而且價錢平。

餐廳嘅冷氣比較強, 食物凍得好快, 人都凍得好快。建議著件外套先好去食, 特別係小朋友。

<三文魚柳伴薯蓉> 三文魚好味, 正正常常。個黃黃地色嘅汁都好好味。有啲好似鹹酸菜咁嘅嘢好得意, 但係又好好味喎。

三文魚柳伴薯蓉

< 蝦串伴寬條麵>
啲蝦應該係焗熟嘅, 都幾香幾好味。闊條麵好好食, 不過好飽肚。

蝦串伴寛條麵

< 瑞典肉丸10粒>例行公事, 嚟親都必定會嗌。 ok呀, 冇乜特別, 正正常常。

瑞典肉丸

< 藍莓紅莓果昔> 盒裝飲品, 畀小朋友飲啱曬, 有益健康, 好過飲汽水。

<汽水> 無限添飲, 我嘅。

單據

IKEA 係平、靚、正, 又冇乜idea嘅時候最好嘅選擇, 特別係有小朋友同行, 佢哋最開心。